الزغرودة وصلتنى عبر البريد الاكترونى من احد الاصدقاء
آويها يا سولار ويا كاز آويها ويا بنزين ممتاز
آويها واللي بيرفع الأسعار آويها تفقع فيه جرة غاز
لولولوييييييش
آويها .. الحكومة طلبت تبرعات آويها .. يا شعب يالله هات يلا هات آويها .. داست عالبنزين وسكرت الخمس سرعات
آويها .. وحنا الغلابى ما لنا غير الله والآهات
آويها .. جيبوا عسلاتكو ولا تنسوا الدبسات
لولولوييييييش
آويها .. دينار من هون واثنين من هناك
آويها .. ويا شعب ما أكثر سخاك
آويها .. ولجهنم والله يا شعب لخلي مثواك
لولولوييييييش
آويها .. قالوا المواطن حيطو واطي
آويها .. بوكل الكف وهو راضي
آويها .. دايما ممنون حتى وجيبه فاضي
لولولوييييييش
آويها .. يسعد دين الحكومة
آويها .. لو عشنا عالبصل مع الثومة
آويها .. وإحنا شعب المديح
آويها .. لو الجرح يكبر أو يقيح
آويها .. يا مسئول حنا عايشين أكثر من منيح
آويها .. ما نقول غير الكذب ونجافي الصحيح
آويها .. يا ناس بهالدنيا ما فيها المستريح
لولولوييييييش
آويها .. كلامك يا بهية زيي العسل
آويها .. وإذا غلو الميه البيت ما ينغسل
آويها .. قال زادوا الشهرية وبفكرو الشعب مغفل
لولولوييييييش
آويها .. ويا عدس يا مجروش
آويها .. والشعب من غيرك زيي الملطوش
آويها .. والطفران اللي معوش ما يلزموش
آويها .. هيك بدو بابا بوش
لولولوييييييش
هناك 9 تعليقات:
مشكور على "الزغرودة"
ذات معانٍ جميلة \
آويها .. هيك بدو بابا بوش
che
ههههههههههههه
والله جاي ع الوجع ,,,,,,,صارو الناس يطلعو نكت ع حالهم من كثر المصايب اللي بتشتي ع روسهم ..
منذ يومين فقط سمعت نكتة اشبه بهذه .. حزنت كثيرا لها ..
لكن ليس المهم ان احزن انا ..بدنا ناس تسمع وتحس!!!!!!.
جميلة جدا هذه الزعاريد يا غائب
che
زغرودة من واقع شعب محاصر ليس فقط من اعدائة بل من اخوانة
تحياتى
.......
فلسطين
الواقع اكثر وجع من اى شئ تانى
جميل ان يكون لنا احساس ونشعر بحجم المعاناة وهل الكل لدية احساس ؟
تحياتى
..........
المنفى رفيقى بالحرف والكلمة
شكرا اليك وتحياتى
يا للسخرية!!
تحولت مآسينا إلى زغاريد...
كوخ في الوطن
يلي بصح له يزغرد في هالوضع يزغرد
تحياتي الك
والله يا هيك الزغاريد يا بلاش.. شة سرعة هالبديهة القوية هاي!!
حلوين والله يسلمو ايديك..
عنجد زغاريدنا من الواقع ربنا يوقف مع هالشعب الصامد الغلبان
وين الوطن ليكون في كوخ
نحنا العرب حابين نكون واطين لحتي ماننسأل احنا وين في الدنيا لانه في مثل بيقول امشي من الحيط للحيط وقول يارب الستر هاهاها
إرسال تعليق